Кога се спомне ликот Стивен Кинг веднаш се поврзува со хорор приказна. Кинг го заслужил своето место во светот на ужасот и хоророт кога ја објавил познатата „Кери“ (Carrie) во 1974 година. Додека оваа книга била адаптирана за филмското платно, Кинг веќе го објавил новиот роман „Судбината на Ерусалим“ (Salem’s Lot) која исто така е хорор приказна. Кинг изградил сопствена империја на хоророт која владеела во 80-тите.
Дефинитивно не е лесно да се одбере која негова книга е најстрашна. Во продолжение прочитајте кои се неговите најстрашни книги од кои дефинитивно ќе ве полазат морници, или пак ќе ве зинтригираат да прочитате некоја и да си дозволите доза мистерија и хорор приказна.
„Тоа“ (It)
Оваа хорор книга е можеби главната причина зошто некои луѓе се плашат од кловнови. Една од најдолгите книги на Кинг која се чита во еден здив.
„Судбината на Ерусалим“ (Salem’s Lot)
Никогаш нема да можете да ги заборавите децата вампири кои лебдат, како и морничавата легенда за градот откако ќе ја прочитате оваа книга.
„Сјаење“ (The Shining)
Надежен писател заедно со неговата жена и син се вселуваат во еден изолиран хотел за да го одржуваат додека не започне сезоната. Хоророт започнува кога хотелот Оуверлук ќе почне да ја открива својата ужасна историја.
„Гробишта за миленици“ (Pet Sematary)
Приказна за древни гробишта од каде закопаните секогаш се враќаат назад.
„Деца на пченката“ (Children of the Corn)
Еден пар возејќи со автомобилот случајно ќе прегази едно момче во Небраска и ќе го однесе во најблискиот град, а главниот во градот не ги сака баш посетителите.
„Ловец на соништа“ (Dreamcatcher)
Четворица другари од детството тргнуваат на нивното традиционално патување во дивините на Мејн без да знаат дека оваа година нештата ќе бидат поразлични и комплетно ќе им го променат животот. Кога ќе заглават во снегот опколени со опасна инвазија од вонземјани и психички нестабилен војник.
„Маглата“ (The Mist)
Приказна за една голема група на купувачи кои ќе останат заробени во еден супермаркет. Надвор започнува да владее густа магла, а суштествата кои се кријат во неа нема да имаат милост за заробениците.
„Регулаторите“ (The Regulators)
Среќното попладне во едно предградие се претвора во вистински ужас кога група чудни автомобили во светли бои ќе застанат во близина и од нив ќе излезат гротескни вооружени лица кои пукаат во сѐ што ќе им излезе пред очи. Жителите мораат да соработуваат за да го сопрат демонот кој стои зад целиот неред, пред да биде предоцна.
„Темната половина“ (The Dark Half)
Откако Беумонт ќе открие дека Старк е неговото лажно име и ќе му организира лажен погреб, писателот ќе биде обвинет за убиства кои не ги извршил поради вистинскиот убиец кој одговара на неговиот опис.
„Мизерија“ (Misery)
Авторот Пол Шелдон доживува автомобилска несреќа и се буди заробен во домот на неговиот најголема обожавателка Ени Вилкис: Жена која живее во изолација од светот со големи планови за неговата кариера. Но работите нема да се случуваат толку едноставно.
