Во интервјуто за порталот Курир.мк, Потпретседателот на ВМРО-ДПМНЕ Александар Николоски откри неколку детали околу тоа што ќе содржи новата програма на партијата со која ќе излезат пред граѓаните на предвремените парламентарни избори кои е договорено да се одржат на 12 април наредната година.
Николоски истакна дека станува збор за досега нестандарден тип на програма која партијата ја подготвува во соработка со граѓаните на еден интерактивен начин во рамки на кампањата која е во тек за “Обнова на Македонија”. Од мерките кои ќе бидат опфатени во оваа програма Николоски го спомена кратењето на даноците како основен предуслов за задвижување на економијата со силен фокус на подобрувањето и развојот на инфраструктурата со тотално нови концепти за организација на здравството, образованието, социјалната сфера со огромен број на иновации како и дигитализација на повеќе сфери од општественото живеење.
Понатаму во интервјуто Александар Николоски го спомена фактот за планираниот буџет на владата на Зоран Заев за наредната година за која се планира буџет од над 4 милијарди евра а како инвестиции во капитални проекти се планирани околу 400 милиони евра. Па направи споредба со Косово кое за наредната година има планирано буџет од околу 2 милијарди евра а инвестиции во капитални расходи од над 800 милиони евра.
За повеќе актуелни политички прашања погледајте го третиот дел од интервјуто на Александар Николоски во продолжение:
