Во директно обраќање преку фејсбук страницата на метал Бендот MACHINE HEAD, неговиот фронтмен и водечки вокал и гитарист Роб Флин го објави распадот на бендот.
Во средата вечер Фил Демал (Phil Demmel) го напушти Машин Хед. Во четвртокот попладне Дејв Меклејн (Dave McClain) го напушти Машин Хед. И Џеред на некој начин го напушти Машин Хед, но не знаеше дали сигурно напушта.
Во видеото Роб Флин ја искажува својата вина за ваквиот расплет на еден од светсаки најпознатите и највлијателни метал бендови кој се појави на почетокот од деведесетите години од минатиот век и речиси цели триесет години беше во врвот на светската метал музика.
Нивната песна “Давидијан” е една од антологиските вечни метал песни која беше (за некои се уште е) метал химна на сите времиња.
Бендот во своето 29 годишно опстојување сними девет студиски албуми, два албуми во живо, еден видео албум, 13 синглови и 15 видео спотови. Четири од нивните албуми во Обединетото Кралство имаат сребрен статус. До денеска бендот има продадено над 3 милиони копии од нивните албуми низ целиот свет.
И покрај распадот на бендот членовите се согласени да ја одржат својата последна закажана турнеја која ќе им биде на нелој начин проштална а за која Роб Флин вели дека ќе биде слава за нивната музика.
Бендот има свој славен настап и во Македонија на 4-ти декември 2004 година во СРЦ Кале.
Погледнете го видеото со фронтменот Роб Флин во продолжение во кое тој го објавува распадот на бендот:
