Претседателот на ВМРО-ДПМНЕ кој што беше предводник на вечерашниот протест против поскапувањето на струјата направено од страна на Регулаторната комисија за енергетика од пред канцелариите на ова партизирано дувло на мафијата на власт во државата упати три барања кои што присутните бараат државата да ги оствари. Регулаторната комисија за енергетика на чие што чело стои партискиот војник и продолжената рака на Зоран Заев за спроведување на најбруталниот грабеж врз осиромашените граѓани Марко Бесломовски, Мицкоски ја посочи како најдиректно виновна за ваквата поразителна состојба и побара оставка од целата регулаторна комисија и нејзина професионализација.
Првото барање од вечерашниот протест е враќање на старата цена на струјата преку намалување на тарифата за универзалниот снабдувач на електрична енергија. Со сегашното решение кое што го донесе Регулаторната комисија кукавички веднаш по изборите се овозможува екстра профит од милион и осумстотини илјади евра за универзалниот снабдувач што директно оди на штета на граѓаните. И сето тоа додека се врши масовно вработување на партиски кадри во електроенергетските државни компании каде преку тендери се ангажирани фирми на семејството Заеви и фирми блиски до власта.
Второто барање упатено од вечерашниот протест се однесува на воведување на неделен викенд без данок на додадена вредност. Ветување со кое што Зоран Заев ги излажа предизборно граѓаните на Република Македонија да гласаат за СДСМ а сега истото не го спроведува иако вети дека имплементацијата ќе започне од овој месец септември.
Третото барање на ВМРО-ДПМНЕ, Коалицијата за Обнова на Македонија како и граѓаните кои беа присутни на вечерашниот протест е целосна професионализација на Регулаторната комисија за енергетика која моментално е окупирана од страна на партиски кадри предводени од партискиот слуга на Зоран Заев Марко Беслимовски.
За крај на протестот Претседателот на ВМРО-ДПМНЕ упати јавна дилема во вид на прашање до целокупната Македонска јавност: МАФИЈА ИЛИ МАКЕДОНИЈА? По што тој соопшти дека ја бира Македонија. Револтот на улиците како низ Скопје така и низ останатите градови во државата предводен од Христијан Мицкоски и ВМРО-ДПМНЕ беше најавено дека ќе продолжи уште поинтензивно во периодот кој следува се до конечен пад на мафијата од власт во државата.
Видеото од преносот на вечерашниот протест погледнете го во продолжение:
