Во вечерашната телевизиска дебата на која учество зедоа Тимчо Муцунски од ВМРО-ДПМНЕ и Дамјан Манчевски од СДСМ се разговараше за повеќе теми од актуелното работење на Владата на Зоран Заев, но со доминантно внимание за јавноста во врска со процесот за носење на нов закон за Јавно обвинителство во Република Македонија, како и за статусот на предметите кои беа застапувани од згаснатото СЈО.
Притоа Секретарот за меѓународна соработка на ВМРО-ДПМНЕ, Муцунски му потенцираше на соговорникот Дамјан Манчевски дека СДСМ секогаш кога говори за реформи и одење напред впрочем го прави спротивното и гледа назад.
Знаете што е суштинскиот проблем во оваа дебата? Суштинскиот проблем во оваа дебата е дека СДСМ секогаш кога зборува за реформи и за одење напред тие практикуваат да гледаат назад. Господинот Манчевски ни кажува што се случувало во Пржино. Ниту јас ниту најголемиот дел од ракводоството на ВМРО-ДПМНЕ, посебно тимот што сега преговара не сме биле учесници во Пржино, не сме знаеле што се случувало,
-кажа Муцунски.
Тој соопшти во јавноста дека власта се обидува повторно да наметне пржинско решение кое ќе донесе ново повторно исполитизирано обвинителство, какво што впрочем постои во овој момент.
Обидот на СДСМ е повторно да имаме пржинско решение, пржинско решение кое ќе ни донесе ново обвинителство, политизирано, обвинителство какво што имаме во овој момент. Државниот јавен обвинител е на предлог на СДСМ. Ние преговараме за донесување на суштинско европско законско решение,
-додаде тој.
Муцунски потенцираше дека опозицијата не верува во обвинитеслтво во моментов, обвинителство кое гледа и слуша за криминал, а не постапува.
Европско решение кое ќе ги ослободи институциите од стегите кои што ги има сега. Државниот јавен обвинител гледа, односно слуша како градоначалник напаѓа некого во својата канцеларија и се уште не е отворен предмет,
-заврши Муцунски.
Манчевски во својата аргументација ги издвои и истакна спроведените реформи од Планот за живот со кои се обезбедува подобар живот и повисок животен стандард за граѓаните.
Како Влада за само 2 години ја укинавме радиодифузната такса, ја вративме евтината тарифа на електричната енергија, ги намаливме казните, воведовме концепт на опомена, граѓаните повеќе не се под притисок на власта како за време на владеењето на ВМРО-ДПМНЕ кога беа мета на уцени, закани
– истакна Манчевски
