Заплетот на продолжението на филмот “Борат” на Саша Барон Коен гравитира околу потрагата на казакстанскиот граѓанин да ја подари неговата ќерка на некој моќен политичар во САД.
После 14 години познатиот Борат добива свое продолжение кое ќе биде емитувано на стриминг сервисот на Амазон на 23 октомври. Продолжението на Борат има огромен наслов исто како и неговиот претходник и во оригинал на англиски изгледа вака:
Borat Subsequent Moviefilm: Delivery of Prodigious Bribe to American Regime for Make Benefit Once Glorious Nation of Kazakhstan.”
Но со првата најава филмот имаше уште поголем и уште посмешен наслов:
“Borat Subsequent Moviefilm: Delivery of Prodigious Bribe to American Regime for Make Benefit Once Glorious Nation of Kazakhstan (an apparent change from Borat: Gift of Pornographic Monkey to Vice Premiere Mikhael Pence to Make Benefit Recently Diminished Nation of Kazakhstan.”
Како и во неговиот прв филм Борат, главниот протагонист во рамки на неговата потрага се среќава со повеќе луѓе низ САД а интеракцијата со нив е направена со цел да се илустрира културниот шок на разлики меѓу протагонистите додека цело време е присутна сатира за предизвикување на стереотипите и апстрактите на општеството.


