На денешен ден пред 2377 години е роден најголемиот војсководач во светската историја, човекот кој своевремено ја покорил целокупната позната цивилизација, Македонскиот крал од династијата на Аргеадите, син на Филип, Големиот Александар III Македонски.
Светската историја по хоризонтала и вертикала ги има сецирано животот и делото на Александар Македонски. Најчесто на ниво на шпекулации, во рамки на фантазија и митови.
За вистински да се разбере животот и делото на големиот Александар треба суштински да се живее на Македонски начин, под Македонско сонце на Македонска почва, пиејки Македонска вода, пеејки Македонски песни, сакајки со Македонска љубов, тагувајки со Македонска тага.
Дури тогаш човек може да го разбере митот за човекот кој под своите стапала го згази целиот познат свет, не за да го уништи туку да го ослободи.
На денешен ден пред 10 години Големиот Александар III Македонски на својот роденден доби свој споменик во центарот на Македонскиот главен град Скопје.
