Во соопштението упатено до порталот Зелена берза, повеќе здруженија на земјоделци упатија повик за организација на нов масовен општ протест поради незадоволството од актуелните состојби во земјоделието во Македонија.
-Поради лошите одлуки и решенија од страна на Владата кон севкупното земјоделие, како предлог Законот за продажба на државното земјоделско земјиште, недавањето поддршка на измените на Законот за тутун како и последната одлука за зголемување на акцизата на горивата со таканаречената еколошка такса, се уште неисплатениот 5ти ковид пакет за тутунарите како и неисполнетото ветување дадено од премиерот на тутунарите за просечна цена од180-185 денари по килограм предаден тутун, неисплатените субвенции на сточарите, проблемите во лозаропроизводството, оризопроизводството, градинарството и сите земјоделски гранки кои се на раб на уништување.
Ние тутунарите!
Ги повикуваме сите земјоделци без разлика на етничка и верска припадност, без разлика на партиската припадност ги покануваме сите: асоцијации, федерации, сојузи, здруженија од сите земјоделски гранки да ни се приклучат и заеднички да изразиме општ револт и незадоволство од односот на властите кон нас земјоделците и заеднички да изнајдиме решенија за нашите проблеми. Сите оние кои им го посакуваат доброто на земјоделците и кои сакаат да дадат свои идеи размислувања и да се вклучат во организацијата на еден ваков општ земјоделски протест, јавно ве повикуваме да не исконтактирате на нашиот фб. профил Тутунари од Македонија. Датумот и местото за одржување на протестот ќе бидат соопштени дополнително, стои во повикот на новоформираните здруженија на тутунари испратен до Зелена берза.
Преку социјалните мрежи на повеќе земјоделси профили, групи и страници забележливо е незадоволството на земјоделците од состојбите во кои мораат да работат беза да можат да обезбедат своја егистенција за себе и своите семејства.
На профилот Тутунари Од Македонија стои сл. реакција:
“Почитувани тутуно производители, почитувани земјоделци сведоци сме на лоша година за нас земјоделеците од страна на државата. Лоша година за нас тутунарите, лоша година за лозарите, оризарите, млеко производителите, сточарите сите гранки од земјоделијето се на питачки стап. Мораме ние земјоделците сите сметки во државата да ги плачаме?!
Нашиот труд мора содветно да ни се плати, во безброј прилики ние си го бараме ветеното пари од ковид пакетот за тутунарите и просечна цена од 185 денари за сите тутунари тоес 26 денари плус по килограм предаден тутун. За фил на тортата ни се спрема продажба на земјоделско државно земјиште каде мораме да го спречиме ние земјоделците исто така мораме да се крениме и спрема покачувањето на горивото, каде што државата како и секогаш ке удри по џебот на земјоделецот. Доколку ние убаво вака да си чутиме и нека не стрижат. Мораме да се разбудиме!”
