Во интервју за порталот Република кандидатот за градоначалник од редовите на ВМРО-ДПМНЕ Николчо Стојменовски зборуваше за своите мотиви да се нафати на оваа трка за градоначалник на општина Делчево.
“-Мотивот е голем, најмногу сврзан со мојата работа, теренската работа што е секој ден во Делчево, комуникацијата со граѓаните и нормално кажувањето на самите проблеми на нашите граѓани. Со самата работa освен што проблемите се нотирани, некои од граѓаните ги кажуваат и решенијата на тие проблеми, “
-вели Стојменовски во врска со она што него лично го мотивирало да ја прифати кандидатурата за градоначалник на Делчево.
Понатаму во интервјуто тој зборува за оние работи што му недостасуваат на Делчево според неговото секојдневно искуство и оние проекти кој што тој ќе ги реализира како најпотребни за Делчево како што е јавниот и меѓуградски превоз за делчевчани. Потоа Стојменовски зборуваше за катастрофалните пожари кои што ја зафатија општина Делчево и за немилата поука која што е извлечена од оваа катастрофа.
Како прв прioритет Николчо Стојменовски го истакна снабдувањето со вода за сите жители на Делчево, решавањето на проблемот со јавниот превоз како и имплементацијата на голем број проекти од странски фондови…
Целосно посветување на решавање на проблемот со развојот на Голак.
“Досега ниту една локална власт не успеа да го воскресне Голак како туристичко место. За тоа ќе назначиме посебен кооординатор”
-вели во интервјуто кандидатот за градоначалник на Делчево Николчо Стојменовски.
Целото интервју може да го проследите во видеото во продолжение:
