Највисокото раководство на опозиционата ВМРО-ДПМНЕ денеска оствари работна средба со претставници на меѓународната граѓанска организација “Македонија 2025”.
Претседателот Мицкоски, придружуван од Потпретседателот Александар Николоски и Поранешниот Министер за финансии Трајко Славески, се сретнаа во партиското седиште со повеќемина Македонски активисти и успешни поединци кои се дел од оваа лоби организација која работи на промоција и унапредување на меѓународната положба на Македонија особено во економската сфера.
Во продолжение го пренесуваме соопштението на Александар Николоски во врска со средбата:
“Остваривме средба со Мајк Зафировски, Никица Мојсовска, Џон Битов, Вера Ставров и Крис Павловски, претставници од организацијата „Македонија 2025“, организација од дијаспората која се залага за економски развој на Република Македонија и има блиски релации со бизнис заедницата.
Заедно со успешни Македонци од дијаспората ќе ја развиваме Македонија економски и ќе ја придвижиме економијата напред. ВМРО историски од секогаш имало силна соработка со македонската дијаспора и иселениците.
ВМРО-ДПМНЕ е политичка партија која се залага за силна дијаспора и секогаш има одлична соработка со Македонците од дијаспората. Во иднина ќе ја продолжиме оваа соработка и ќе се залагаме улогата на дијаспората да биде силна и заедно сплотени ќе ја обновиме Македонија.”
-соопшти за јавноста Потпретседателот Николоски.
