Првиот ден од 2018 година донесе повисока цена на дизел горивото, кое сега чини 3,5 денари повеќе од претходно, поради зголемената акциза, која порасна за толкав износ. Па така сега дизел горивото на бензинските станици чини 58,5 денари. Зголемувањето на цените на горовото за возилата секако ќе влијае и врз цените и услугите секаде каде што превозот учествува во крајната цена, без оглед дали се работи за такси или јавен превоз, производство на леб или дотур на зеленчук и овошје или за други продукти и услуги.
Зголемувањето на акцизите беше најавено на почетокот на ноември при презентацијата на предлог буџетот за 2018 година. Образложението за зголемувањето на акцизите беше дека ќе допринесе за намалување на загадувањето, бидејќи ќе ги дестимулира граѓаните да возат дизел возила, кои важат за значителни загадувачи.
