Пред малку во јавноста исплива веста дека Кралицата на Велика Британија Елизабета II е позитивна на Ковид-19.
95 годишната владетелка која што оваа година прославува 70 годишнина на тронот на Велика Британија имала мали симптоми кои наликуваат на настинка, што не би требало да ја оневозможат во исполнувањето на кралските должности во Виндзор во текот на наредната недела.
Од прес службата на Бакингамската палата соопштија дека Кралицата Елизабета II ќе ја има неопходната медицинска грижа и ќе продолжи да ги следи соодветните протоколи.
Медиумите во Обединетото Кралство соопштија дека Кралицата е целосно вакцинирана.
Покрај Кралицата Елизабета II во кралскиот дворец повеќе лица биле тестирани позитивни на Ковид Вирусот. Принцот Чарлс кој што е наследник на кралскиот трон пред 10-тина денови беше тестиран за позитивен по вторпат, како и неговата сопруга Камила- војводката од Корнвол.
