Денеска на прес конференција од партиското седиште на ВМРО-ДПМНЕ упатија сериозни обвинувања во јавноста за можни злоупотреби на јавни буџетски сретства на граѓаните на Општина Штип од страна на локалните власти во општината за кои што претходно пишувавме на нашиот интернет портал.
Имено според зборовите на Портпаролот на ВМРО-ДПМНЕ Димче Арсовски Општина Штип доделила Договор за реализација на јавна набавка на семејна фирма на Благој Бочварски само еден ден откако тој бил избран за Министер за транспорт и врски откако претходно ја обавуваше градоначалничката функција.
-Ако сакаш да си добар и близок функционер до Зоран Заев, мораш да работиш како него. Ако сакаш да си успешен во СДСМ, исто така мораш да работиш по примерот на Зоран Заев. Системот за цицање на народните пари во семејните фирми кој што го воведе Зоран Заев во Струмица, не е исклучок, туку e правило на функционирање во СДСМ. Овој модел се применува и во Штип. Семејната фирма на министерот Бочварски кој е доскорeшен градоначалник на општина Штип, добила тендер од општина Штип. Имено семејната фирма „Де Лукс ДОО“ која е во сопствеништво и управувана од чичкото и таткото на Благој Бочварски, Владимир и Венцислав Бочварски, добила тендер во износ од над еден милион денари од општината, кај што истиот тој Бочварски бил градоначалник, поточно 1,139.000 денари тендер од општината,
Уште посомнително тендерот фирмата го добива еден ден откако Бочварски станува министер, односно на 1-ви септември. Дали тоа значи дека семејната фирма на Бочварски учествувала на целата постапка додека траел тендерот дури тој бил градоначалник, а се чекало само тој да биде избран за министер за да се официјализира како добитник на тендерот неговата семејна фирма?,
-рече Димче Арсовски од партиската говорница од штабот на ВМРО-ДПМНЕ.
Целата прес конференција на оваа тема погледнете ја во продолжение:
