Лидерот на ВМРО-ДПМНЕ и предводник на вчерашниот протест по улиците во Скопје Христијан Мицкоски прстот на вината за поскапувањето на цената на струјата со кое што бркна во џебовите на граѓаните го впери кон првиот човек на Регулаторната комисија за енергетика.
Марко Беслимовски за кого Зоран Заев претходно се правдаше дека бил независен експерт Мицкоски го посочи пред целата Македонска јавност на фотографија снимена на прослава во просториите на СДСМ како слави за изборна победа на владеачката партија.
“Ова е честит народ кој што избра да му се спротистави на мафијата во Илинденска број 2. Затоа мафијо разбери, овој пат кога неправдата станува закон, отпорот и протестите ќе продолжат се додека не ве детронизираме онаму каде што со поткупени и наместени избори се наоѓате. Затоа ќе не има се повеќе, ќе не има се многу и ќе не има насекаде низ цела Македонија.
Нема назад, ние тргнуваме.
Денес сме овде и протестираме за социјална тема, тоа е покачената цена на електричната енергија. Овие во оваа зграда овде, предводени од човекот кој што е гласноговорник на Зоран Заев во енергетиката, кога зборува Зоран Заев, зборува овој човек. Кој е тој човек? Еве го, овој е тој човек. Овој е човекот кој што е независен регулатор. Овој прославува во седиштето на СДСМ, а потоа ја кодоши државата, ја кодоши опозицијата, го кодоши сопствениот народ во Европската енергетска заедница. Овој е човекот кој потпиша зголемување на цената на електрична енергија за 7.5 %. Овој е човекот кој брцна џебот на овој осиромашен и напатен народ.
Овој е слугата на мафијата, овој човек има име и презиме и се вика Марко Бислимовски, запаметете го убаво.
Па денеска ќе ви кажува овој истиот човек, овој човек кој што и слугува на мафијата, дека ја покачиле само цената на електричната енергија за државните компании. Зборавија на партиските вработувања, заборавија на партиските багери во РЕК Битола што копаат по 30 часа на ден и 400 дена во годината, заборавија на дебелите провизии за партиските агенции за обезбедување од Струмица, ама едно не заборавија, сето тоа да го платат со парите на народот. Епа доста му е на овој народ и затоа овој народ од денеска почнува правдата да ја бара овде на улиците. Нема веќе по домовите да седиме, излегуваме на улица. Ќе ги слушнете како велат дека овие биле протести против европската иднина, но јас не гледам што е противевропско ако имате градоначалник од вашите редови кој што го фаќаат како шверцува илјадници штеки цигари. Не гледам што е европско кога пратеник од вашата пратеничка група тргува со полче. Ај што тргувате, па почнавте и да вкусувате од тоа што го тргувате. Не гледам што е европско кога директор на јавно претпријатие е фатен со малку повеќе од полче.
Не гледам што е европско кога градоначалник бара мито за себе, за својот брат. Не гледам што е европско во трас-трас судските одлуки. Не гледам што е европско кога се продава и распродава државата и сопствениот народ,”
-соопшти Мицкоски од вчерашниот протест пред зградата на Регулаторната комисија за енергетика.
