Тенис со нога, влечење јаже, ластик, талига, брбалета и многу други игри на кои Пехчевци се потсетија на илјадниците часови поминати во игрите од нивното детство. Настанот Ден на заборавените игри организиран на плоштадот Петар и Павле ги собра и старите и младите со цел денешните генерации да се запознаат со друштвените игри на од минатото, кои денес скоро се заборавени.
Со игрите на улица и незаборавените моменти од детството, честопати се случувало да не размислуваме на храна преку целиот ден, да ни е тешко што мораме да одиме дома да јадеме , па така нашите родители во тоа време знаеја надвор да ни донесат нешто да каснеме и да продложиме со детската забава. Одењето дома во тоа време претставуваше одење на спиење и ништо друго. Идејата и организацијата на оваа случување е од страна на хотел Гогов и кафе бар Ким, кои навистина на прекрасен начин ги доловија моментите на среќа во безгрижните детски игри од минатото. Денешните деца за жал го немаат тоа детство. Се повеќе се насочуваат кон технологијата од мали години и забораваат на игрите надвор.
