Mораме да признаеме дека подобро од чаша ладно пиво по напорниот работен ден, посебно во летниот период, нема. Во споредба со виното и жестоките алкохоли, пивото претставува вистинско освежување. Тоа е газирано, ладно и питко. Пивото е омилениот пијалак на многу луѓе ширум светот кои љубовта и наклонетоста кон овој пијалок ја покажуваат на најразлични начини. На пример, Германците имаат цел фестивал посветен на пивото познат како Октоберфест, а и во Македонија се одржуваат слични фестивали, како што се Пивофест во Прилеп и Пиволенд во Скопје, со цел да му се оддаде чест на овој освежителен алкохолен пијалак.
Американците пак имаат националниот ден на пивото. Добрите вести се што дури и да претерате, веројатно нема да имате толку тежок мамурлак наредното утро што ќе ве натера да зажалите поради пиењето. Доколку сѐ уште се двоумите за кригла добро пиво, следниве цитати од познати личности можеби ќе ве убедат дека пивото е вистинскиот избор за вас ова лето…
„Не постои лошо пиво. Некои пива имаат подобар вкус од останатите, тоа е сѐ.“ – Били Картер
„Го почитувам пивото.“ – Расел Кроу
„Можам комплетно да се изгубам во малите задоволства: Навистина неверојатен чизбургер, пица, пржени компирчиња и пиво. Уживам кога ми е пријатно и кога можам да јадам што и да посакам. Тоа е голема работа за мене. Сакам да имам слобода да го правам тоа.“ – Ченинг Тејтум
„Убавината е во окото на оној што пие пиво.“ – Кинки Фридмен
„Вискито е премногу тешко, шампањот е премногу скап, вотката делува како гориво. Се надевам дека овој рефрен ќе ми помогне да објаснам дека јас всушност сакам пиво.“ – Том Т. Хол
„Единствените нешта во кои сум бил вљубен се шише пиво и огледало.“ – Сид Вишис
„Само сакам да безделничиме, да пиеме пиво и да дремеме во камионче во некоја пустелија. Така го замислувам совршениот љубовен состанок.“ – Ронда Раузи
„Пиво. Тоа е вистинското привремено решение.“ – Ден Кастеланета
„Не сте вистинска држава доколку немате пиво и авионска линија. Добро е да имате и по некој фудбалски тим или нуклеарно оружје, но не можете без пиво.“ – Френк Запа
„Ако планирате да нѐ мавате со шишиња од пиво, барем нека бидат полни.“ – Дејв Мастејн
„Пиво, тоа е најдобриот пијалак во светот.“ – Џек Николсон
„Оние кои пијат пиво, ќе мислат на пиво.“ – Вашингтон Ирвинг
„Според мене, сите големи луѓе од историјата работеле поради пивото, богатството, славата и луксузот што доаѓаат заедно со моќта.“ – А. Џ. П. Тејлор
„Пивото прави да се чувствувате онака како што би требало да се чувствувате и без пиво.“ – Хенри Лосон
