Потпретседателот на СДСМ и пратеник во Македонското собрание Мухамед Зекири пред малку објави на социјалните мрежи дека е позитивен на тестот за корона вирус.
Во продолжение го пренесуваме неговото известување упатено на фејсбук:
“Почитувани пријатели,
И покрај строгото почитување на мерките и минималните контакти со луѓе, сакам да ве информирам дека јас заедно со сопругата и мојата три месечна ќерка резултираме позитивни на тестирањето за КОВИД 19.
За среќа јас немам никаков симптом но резултирав позитивен.
Затоа уште еднаш апелирам до сите да не го потценувате вирусот и можноста за зараза и да бидете максимално внимателни. Доколку кај вас или ваши блиски забележите и најмал симптом консултирајте ги матичните лекари и не одбивајте да се тестирате.
Изразувам жалење и се извинувам доколку несвесно последниве денови сум довел некого во незавидна позиција.”
