Зоран Заев на социјалните мрежи објави свој став со кој вели дека тие имале јасни и прецизни позиции во осносите со Бугарија….
Спомнувајки ги Македонскиот идентитет и гордост како линија на одбрана во случајот со Зоран Заев значи сосема спротивното и дека токму Македонскиот идентитет е испреговаран и загрозен при што е погазена Македонската гордост.
Човекот кој стави наочари за да во јавноста изгледа поинтелегентно никогаш и никаде ги нема соопштено тие позиции во јавност, а не дај Боже да отвори дебата по однос на тие позиции…
Побараната дебата во Македонскиот парламент од страна на опозициската ВМРО-ДПМНЕ вешто се избегнува од парламентарното мнозинство на СДСМ и ДУИ, при што се избегнува можноста за дефинирање на можни црвени линии.
Класично едноумие, партиска диктатура на еден човек кој зад кулиси договара и преговара за нешто што не е негово.
Последните 4 денови пропагандата под контрола на Зоран Заев е пуштена на најјако во ширење на една масивна димна завеса, со безброј шпекулации и теории, за што поголемо бунило за граѓаните за вистинската природа на актуелниот процес, во кој што Заев со неговите пајташи глумат некакви борци за Македонската позиција, додека од друга страна повеќе од јасно е веќе договореното предавство на Македонските национални интереси во односот со Бугарија.
Одговорноста за се поизгледното предавство на Македонскиот национален интерес од страна на актуелната власт предводена од СДСМ и ДУИ на чело со Зоран Заев се единствено нивна одговорност, како и индиректна одговорност на нивните поддржувачи кои ги донесоа на власт на 15 јули.
Ваквата еднострана еднопартиска одлука дефинирана единствено врз основа на потребата да се остане на власт на Зоран Заев, која што ќе следува, мала е веројатноста дека ќе биде прифатена од мнозинството на Македонскиот народ. И тоа во огромен дел поради диктаторскиот и нетранспарентен начин на водење на целиот процес под видикот на Македонската јавност, чиј што идентитет е предмет на крчмење.
Комплексноста на состојбата во која Македонија ќе биде заглавена после ваквото предавство на Зоран Заев е со несогледливи последици, во услови на динамично редефинирање на светските и регионални односи.
Но едно е сигурно: Македонската борба за слобода и просперитет никогаш не престанува.
Пишува: Анастасов Кирчо
