Претседателот на Левица и пратеник во Македонскиот парламент Димитар Апасиев во својот денешен говор на седницата за избор на новата влада, му реплицираше на поранешниот министер Дамјан Манчевски, во негов добро познат стил. Апасиев на Манчевски му рече дека името на државата е сменето „педерски“.
„Да ве вратам уште малку поназад во историјата кога требаше сегашниот мандатар да даде оставка. Тоа беше ноќта по неуспешниот рефрендум, требаше да го вратите мандатот, а не капсиозно, и да ми прости ЛГБТ заедницата педерски да играте до крај, а тоа значи без добиена одлука од народот, без легитимитет, квислиншки да го смените името на Македонија. Така прават државниците, така направи Шарл Де Гол, но трговците поединци од струмичко прават поинаку. Сега ќе бевме во положба на потчинетост и зависност спрема друга држава кога името Македонија како регион може да го користи Грција, а името Македонија како држава не може да го користи Република Македонија. Ова ви се последни избори на кои освојувате 40 пратеници, бидејќи на светско ниво социјалдемократијата веќе не секси, и ако веќе сакаме да се дијагностицираме, вас ве има добро дијагностицирано еден добар филозоф Кангрга, во два збора, а тоа е шверцери на сопствените животи“,
-поентираше ефективно Димитар Апасиев.
