На снимена прес конференција без присуство на медиуми и новинари кои што би поставиле свои прашања во врска со актуелните состојби и т.н. иницијатива за свикување на вонреден конгрес на ВМРО-ДПМНЕ, поранешниот советник во советот на општина Карпош и висок функционер во ВМРО-ДПМНЕ Сашо Лазаревси го повика Христијан Мицкоски да си поднесе оставка на функцијата Претседател на ВМРО-ДПМНЕ.
Ваквата појава на Сашо Лазаревски кој што во минатото помина повеќе високо позиционирани функции во ВМРО-ДПМНЕ и директорски и функционерски позиции во власта е своевидна потврда за определбите на Христијан Мицкоски и ВМРО-ДПМНЕ да раскрсти со минатото особено со политиките на внатрепартиски непотизам и клиентелизам. Сашо Лазаревски е кум на поранешниот министер за здравство Никола Тодоров кој на повеќе позиции на партијата како на централно така и на локално ниво во време на својата најголема моќ во партијата имаше разместено повеќе свои роднини, пријатели и блиски соработници.
Ваквата манифестација на спротивставување на поранешните функционери на партијата кои ги уживаа сите привилегии на власта кога ВМРО-ДПМНЕ беше на власт со сигурност е придвижување на работите во позитивна насока и зголемување на демократскиот капацитет на партијата за периодот кој што следува во иднина.
Една од основните определби на Христијан Мицкоски за вреднување на вистинските вредности и афирмација на најквалитетните персонални решенија со тоа добива уште повеќе на сила, бидејки протекционизмот и внатрепартискиот непотизам стануваат минато за оваа партија.
