Во дебатната емисија “Топ Тема” на ТЕЛМА ТВ која се емитуваше вчера, главен акцент беше ставено врз актуелните процеси во државата од позиција на справување на власта со корона кризата и ефектите предизвикани од истата.
Аналитичарот Сашо Клековски смета дека ти мот во владата од СДСМ кој ги има клучните позиции околу економските и финансиските ресори не е дораснат за справување со актуелната криза.
Кога се направија преструктуирањата во техничката Влада, во економските ресори, СДСМ не очекуваше дека ќе има корона епидемија, и мислам дека тимот не е дораснат, животно и работно да се справат со економската криза. Има многу нејаснотии, многу доцнење на помошта,
-рече Клекоски влечејки аналогија на текот на настаните пред и за време на кризата по што дополни:
Ние сме последна земја по економските мерки, а упорното повторување на врадините преставници дека имаме супер мерки, само дополнително создава нервоза кај сите чинители во приватниот сектор. Немаше брза реакција, ние до вчера се расправавме кој треба да добие помош, а кој не. Системот на УЈП, од трите мерки за две мерки беше нефункционален. Ние сме 11 мај и денес некој веќе почна некоја помош да добива, но ова е огромно доцнење
Дополнително граѓаните почнаа да се организираат за протести против полицискиот час, а на социјалните мрежи пред се на сатиричен начин се исмеваат владините мерки и ограничувања за кои постои широко распространета нејаснотија за нивната функционалност.
