На манастирско-туристичкиот комплекс „Еленец“ во село Цера, Македонска Каменица, се оддржа седмата по ред манифестација „Бабина Баница” , организирана од каменичкото Здружение на пензионери, со поддршка на општина Македонска Каменица.
Илјадници гости од сите краеви на Македонија, како и посетители од Србија и Бугарија уживаа во манифестацијата, која содржеше богата културно-уметничка програма, како и натпреварувачки дел-подготовка на баница на традиционален македонски начин.
Непосакуван момент на настанот беше поројниот дожд и град, но и тоа не ги спречи посетителите да се задржат на „Еленец“. Организаторите на „Бабина Баница“ најавија дека манифестацијата догодина ќе биде уште помасовна и дека ќе бидат поканети гости од неколку балкански земји.
