Македонскиот репрезентативен фудбалер Бобан Николов кој што израснал покрај реката Брегалница во неговиот роден Штип, буквално синоќа со својата игра ги направи Штипјани – горди Македонци како и жителите на целиот Брегалнички регион.
За неговиот и успехот на целата фудбалска репрезентација своја реакција во јавноста упати пратеникот Иван Јорданов чиј што коментар го пренесуваме во продолжение:
“За да успееш, не е потребен само талент, туку и многу напорна работа.
Бобан Николов, првите чекори ги има направено во штипска Брегалница, а како дел од Македонската фудбалска репрезентација, нѐ направи горди што потекнува од нашиот град, заслужувајќи ги сите почести и признанија од Општина Штип.
Очекувам Локалната самоуправа, согласно можностите и финансиските капацитети, да го удостои и награди за постигнатиот успех и за посебни остварувања.
Бобан Николов, заслужува да добие валоризација на неговиот труд, затоа што тој е нашата гордост, надеж и светла иднина!”,
-напиша на фејсбук Иван Јорданов.
