9. Повикување на злото (The Conjuring)
Познатиот филм од 2013 година, кој заработи 317 милиони долари, ја раскажува приказната за семејството Перон кое било измачувано од дух. Според Андреа Перон, една од ќерките во семејството, филмот е базиран на вистински настан, а Ед и Лорејн Ворен кои ги гледаме во филмот навистина постојат. Според изјавата на Андреа, пред тие да живеат во куќата, таа била населена од семејството Арнолд. Во овој период се случиле неколку ужасни настани. Двајца луѓе се обесиле а еден се самоубил со отров. 11-годишната Пруденс Арнолд била силувана и убиена од некој фармер, двајца луѓе се удавиле, а четворица мажи замрзнале до смрт. Секој кој живеел во оваа куќа бил сведок на натприродна активност.
8. Повикување на злото 2 (The Conjuring 2)
Вториот дел од овој филм заработил 230 милиони долари. Повторно ги гледаме Ед и Лорејн Ворен кои одат во Лондон за да истражат натприродна активност во една куќа. Двете ќерки, Маргарет и Џенет Хоџсон, кои имаат 12 и 11 години, веројатно се опседнати од ѓаволот. Вистинското семејство Хоџсон тврди дека слушале некакви гласови во куќата, гледале како лебдат разни предмети и дел од покуќнината и дека чувствувале студ на некои места. Во куќата дошол Морис Грос кој го истражувал натприродното и изјавил дека за време на неговиот престој сведочел на околу 2.000 натприродни инциденти. Иако една од девојките признала дека лажеле за некои настани, сепак тврделе дека 98% од раскажаното е вистина.
