Во наредните четири години, максимално ќе се посветиме да ги завршиме сите оние улици кои не се завршени. Во нас. Баби ќе се заврши централната улица „Крушевска Република“ и тоа од ул. „Партизанска“, па сé до „Сремски фронт“. Во Стар Караорман, претстои асфалтирање на улиците во горниот дел на населбата каде претходно ја завршивме канализацијата. „5-та Партиска“ , која е зад спортските терени кај Елкос, сметаме дека ќе биде целосно асфалтирана до наредната година, „Браќа Даневи“ во Автокоманда, исто така ќе биде асфалтирана, како и дел од ул. „Солидарност. Во 8-ми Ноември, ќе направиме една добра конекција меѓу улиците „Партизанска“ и “Булевар ЈНА“ која минува покрај училиштето. „Љубен Иванов“ која ќе води до новиот клинички центар ќе биде асфалтирана во текот на наредната година, истакна Илчо Захариев, кандидат за градоначалник од ВМРО ДПМНЕ за Штип.
