Координаторот на советничката група на ВМРО-ДПМНЕ и Коалицијата за “Обнова на Македонија” Сашко Ивановски ја информира јавноста дека советниците од оваа коалиција во советот се откажуваат од паушалите кои им следуваат како надоместок за месец март. Сретствата ќе бидат наменети за борба против негативните ефекти од актуелната ситуација со Корона вирусот, информира Ивановски.
Притоа ги повика и советниците од СДСМ во Советот во Општина Делчево да го направат истото со што ќе се помогне за справување со кризата во поголем обем и опфат.
Во продолжение во целост ја пренесуваме реакцијата на Советникот Сашко Ивановски од ВМРО-ДПМНЕ:
“Почитувани мои сограѓани, драги Делчевчани
—Моето обраќање е пред се е како координатор на Советничката група на ВМРО ДПМНЕ и коалицијата, од името на советниците Билјана Ѓоргиевска, Кристи Стојковски, Славица Димитрова и Ванчо Велинов во советот на општина Делчево, а потоа и како татко на две деца, како наставник, долгогодишен активист, а пред се како човек.
—Имајки ја во предвид тешката и навидум безизлезна ситуација предизвикана од вирусот КОВИД19, Советничката група на ВМРО ДПМНЕ консензуално одлучи паушалите за месец март да ги донира во борбата против оваа опака болест, со цел да ги ублажи последиците од неа. Парите ке бидат донирани во здравството, социјалата, образованието…. и секаде каде ќе процениме дека се најпотребни.
–Апелирам и ги повикувам сите други советници да ја подржат оваа хумана иницијатива и сите да влеземе во борба против заедничкиот непријател кој безусловно ни пркоси и не загрозува и нас и нашите семејства .
–Воедно предлагам, доколку борбата со оваа опака болест продолжи СИТЕ безусловно да се откажеме од паушалите до крајот на борбата . Тоа е најмалку што можеме да направиме за нашите сограѓани бидејки мандатот и довербата ни е даден од нив и имаме морална, граѓанска а пред се човечка должност да се бориме бидејки на тоа и се ЗАКОЛНАВМЕ на почетокот на мандатот.
–Поддршка до здравствените работници, полицијата, војската, вработените во маркетите, возачите…….. подршка до сите во првите борбени редови. Вие сте нашите херои.
–Дај Боже Делчево пак да биде пак такво какво што го сакаме и знаеме сите,во него израснавме, во него живееме, за него се бориме, и резервен град немаме.
–Бидете ми здрави и живи и со божја помош и благослов да излеземе победници од оваа битка.
Да живее Македонија
Сашко Ивановски, Координатор на Советничката група на Коалицијата за Обнова на Македонија”
