За многумина од нас кафето ни е најдобриот пријател веднаш штом отвориме очи. Кафето ни претставува, секојдневие, почеток на денот, работна пауза, момент кога имаме потреба да се опуштиме и релаксираме со пријателите…едноставно уживаме во тој остар вкус, арома и неговата енергија.
Без разлика дали кафето го знаете како ‘авионско гориво’, ’сок од мозокот’ или ’нешто што ќе те оттргне од креветот наутро’, скоро секоја држава и култура има свој уникатен начин на подготовка на овој популарен пијалок . Еве како низ светот го знаат и конзумираат ова црно злато.
- Кафе со јајце (Виетнам)
Основните состојки се жолчка од јајце, кондензирано млеко, шеќер и топло кафе. Виетнамиците ја научиле културата за кафе како колонија на Франција во 19-от век, и ја продолжуваат традицијата сеуште. Кафето во Виетнам се прави со истурање топла вода преку филтерот, и од врвот на Вашата чаша нежно се дотура засладено кондензирано млеко.
2. Кафе лапланд (Финска)
Локално сирење се става во шолја пред да се прекрие со кафе.
3. Еспресо (Италија)
Станува збор за класичен рецепт за еспресо, но со додадено парче лимон. Родното место на еспресото. Штата би било да ја посетите Италија, без дегустација на едно. Совршеното Италијанско кафе треба да има тенок слој на карамела боја, доволно тенок за сепак да издржи една лажичка шеќер за неколку секунди, пред да потоне.
4. Млеко со кафе (Аргентина)
Аргентинците уживаат во млеко со пена, со само неколку капки силно кафе.
5. Кафе бонбон (Шпанија)
Овој рецепт содржи само две состојки – еспресо и кондензирано млеко.
6. Зачинето кафе (Мароко)
Мароканците мешаат сосема обични зрна кафе со сусам, бибер и морско оревче и добиваат необичен, но силен пијалак.
7. Кафе со чај (Хонг Конг)
За овој рецепт ќе ви бидат потребни црн чај, кондензирано млеко и кафе.
8. Фрапе (Грција)
Кафе, сладолед, кондензирано млеко и малку ледена вода – највкусното фрапе што сте го пробале.
9. Фаризиер (Германија)
Овој пијалак бил измислен во Германија со цел да се скрие присуството на алкохол на семејните собири. Тие додаваат рум во кафе со шлаг пена.
10. Кафе туба (Сенегал)
За време на процесот на печење на зрната кафе, се додава бибер гвинеја и потоа се подготвува како обично кафе.
11. Кафе со лук и мед (Турција)
Ова е популарна комбинација во Турција, што некогаш се нарекува и Стариот рецепт на Мур. Позната турска поговорка вели дека кафето треба да биде ‘црно како пеколот, силно како смртта и слатко како љубовта’. Турското кафе обично се служи по десерт, од ѓезве, односно мало бакарно тенџере. Најчесто оди со одличен турски локум.
Совет: Постојат четири начини на порачување на турско кафе: без шеќер (sade), со малку шеќер (az şekerli), полу слатко (orta şekerli), или многу слатко (şekerli).
12. Кафе со портокал (Јамајка)
Покрај парче портокал, кафето од Јамајка вклучува и доза рум.
13. Силно еспресо (Франција)
Силно еспресо со додаток од млеко, ќе најдете практично на секој агол од франција. Верувале или не, Француското кафе се служи во чаша доволно широка во горниот дел за да можете да потопите еден кроасан, или бисквита.
14. Кафе Буна (Етиопија)
Етиопија е местото каде што Се започна. Раѓањето на кафето арабика. Таму, процесот на подготовка на кафето е исполнето со љубов, ритуал кој што го претвора пиењето кафе во форма на уметност. Етиопското кафе се служи со путер или сок, наместо млеко и шеќер.
