Повеќе македонски медиуми јавуваат дека Бундестагот дал дозвола германската Влада да ги започне пристапните преговори со Македонија за влез во во ЕУ. Само што ретко кој медиум го дава клучниот момент од одлуката на Бундестагот, бидејќи тој битно го менува карактерот на наводно безусловната одлука. Имено, Германија може секој миг својата одлука/став да ја промени, ако заклучи дека Македонија недоволно ги спроведува предвидените критериуми, односно не се однесува доволно послушно. Или, како што соопштува Дојче Веле: „Бундестагот го задржува правото да го с м е н и својот став доколку утврди дека не се исполнуваат поставените услови за почеток на преговорите.“
Зарем македонските власти сѐ уште не сфатиле дека со полувистини (полувистините се лаги) предизвикуваат обратен ефект кај македонската јавност, бидејќи после нив доаѓа до разочарување и незадоволство. Тие не ја јакнат моќта на власт, ниту ја зголемуваат довербата кон неа. Напротив, секое разочарување и незадоволство создаваат нови разочарувања и незадоволства. Во таква ситуација нејасно е како може некој да говори за мудроста или тактичноста на оваа власт?
