Водата заедно со кокосовото брашно се загрева на тивок оган во сад и постојано се меша. Откако ќе се загрее се додава млекото и се меша уште дополнителни 3 минути. Потоа садот се трга од оган и се остава да одстои неколку минути, за да потоа со рачен миксер се мати се додека не се добие кашеста и погуста смеса, а притоа се цеди со цедалка. Со помош на миксерот се мати и шлагот од слатката павлака, па се растопува чоколадото на пареа и се остава да се излади.
Во друг сад се меша кокосовото млеко , павлаката, шеќерот и ванилата. Се мати со миксер додека не се стопи шеќерот и додека не се појават кругчиња на површината. Внимателно се додава шлагот во смесата, а потоа и стопеното чоколадо заедно со исцеденото кокосово брашно. Целокупната смеса се става во пластична кутија спремна за во замрзнувач.
Потребни состојки:
-250 милилитри вода
-60 грама кокосово брашно
-150 милилитри кокосово млеко
-150 грама кисела павлака
-150 грама слатка павлака
-75 грама шеќер
-75 грама бело чоколадо
-1/2 кафена лажичка екстракт од ванила
