Н А С Л Е Д С Т В О
Нивните баби и дедовци
Не се крстеа
Во бога не веруваа
Во црква не одеа
Црквите ги разурнуваа.
Нивните мајки и татковци
Со лаги и со клевети
Добија високи функции
Направија сјајни кариери
Богатството не им се мери.
Внуците нивни денеска
Кои се во ниедна вера
На народот душа му вадат
Крадат и туѓинско гајле берат
А некои и нови цркви градат.
КАТРЕН ЗА НОВАТА ЦРКВА ВО ДЕЛЧЕВО
Украс на градот гордост на верниот народ
Покрај Брегалница на стража вечна
Колку ли свештеници во пензија ќе идат
Дури на црквата нова конечниот лик го видат?
Пишува: Васил МАНЕВСКИ
