1.
Ој, Европо, ти блуднице стара,
Невозможното ти од нас го бараш!
2.
Каква вина Македонците сторија,
За да се откажат од својата историја?
3.
Лицемерно некаква безбедност ни нудиш
Покрај старите и нови сомнежи ни будиш.
4.
Се залагаш за мир, нудиш гаранција,
Едно вели Германија, а друго Франција.
5.
Ни одземаш државност, име, нација!
Каква е таа дива, а нежна окупација?
6.
Чудна е новата европска цивилизација,
А уште почудна Соросовата демократија.
7.
Кај што стигнаа гром и град смлатија,
Се што допреа и фатија се осакатија.
8.
Не уценуваш да менуваме устав, химна, знаме…
Чесните ги кудиш, лажговци тапкаш по раме.
9.
Државата наша ја претвараш во колонија,
Понижуваш јазик и народ на Македонија.
10.
Го сакаме нашето, не холандско цвеќе
Претеравте, ај доста е, доста беше веќе.
Пишува: Васил МАНЕВСКИ
