Роднокрајниот писател и новинар во пензија Васил Маневски пред споменикот на паднатите борци во Втората Светска Војна 1941-1945 во Делчево (тогашно Царево Село) денес зборуваше за загубената традиција на организацијата на Меѓународната манифестација “Гоцеви Денови”.
“Убав повод е кога го славиме Илинден во градот што го носи името на Гоце Делчев, да потсетиме на веќе една подзаборавена културно-научна манифестација “Гоцеви Денови”. Манифестација која ги обединуваше литературните творци, играорците, театарските работници… сите љубители на убавата уметност и научниот збор. Ја користам приликата да потсетам да размислиме заедно за возобновувањее на култната манифестација “Гоцеви Денови” овде во Делчево. Мојот апел е до народните претставници во општинското собрание, да покренат иницијатива а Советот да донесе одлука за возобновување на манифестацијата и тоа да не чекаме долго туку уште наредната година со планирањрто на буџетот да бидат предвидени скромни сретства за таа намена а тоа и не бара многу. Така ќе го вратиме сјајот на манифестацијата, така ќе овозможиме голем број луѓе од политичкиот од културниот од општествениот живот па и наши сонародници од другите земји да доаѓаат во Делчево да го славиме великанот Гоце Делчев и да го славиме нашето вековно постоење, со желба во иднината секогаш да не води неговата мисла за разбирањето на светот како поле за културен натпревар меѓу народите.”
-изјави за нашиот портал г-динот Васил Маневски во врска со идејата за возобновување на манифестацијата “Гоцеви Денови”.
