Во текот на вчерашниот ден со своја меѓусебна преписка на социјалните мрежи во јавноста се одзваа од СДСМ Штип и ОК на ВМРО-ДПМНЕ Штип.
Препукувањето меѓу двата најмоќни политички блока во Штип се однесува на состојбите со Клиничката болница во овој своевиден центар на Брегалничкиот регион.
Во продолжение ја пренесуваме реакцијата на опозицијата во Штип:
Очајот од партија наречен СДС, во очајнички обид да ги брани нивните очајни и неспособни функционери.
Очајното раководство на СДС – Штип треба да знае дека:
– Не е лажна вест дека бројот на заболени од корона во Штип од ден на ден се повеќе се зголемува
– Не е лажна вест дека поради ненавремено донесување на превентивни мерки се појави корона вирусот во Штип.
– Не е лажна вест дека не се дозволува тестирање на сите граѓани
– Не е лажна вест дека нема доволен број заштитна опрема за медицинскиот персонал, па истиот е приморан по социјални мрежи да бара помош и донации
– Не е лажна вест дека пациентка е шетана од одделение на одделение без почитување на протоколи и притоа свесно се изложени медицински лица на заболување од корона вирус.
СДС и нејзините раководители сакаат јавноста за ова да не зборува. Раководството и функционерите на СДС сакаат народт за ова да не знае. Затоа раководството на СДС е вака вознемирено и бурно реаигра. Бидејќи се прочитани нивните валкани намери. Прочитана е нивната валкана игра, а народот за се тоа зборува и реагира.
Изгубеното раководство на СДС, а и нивните раководителите треба да знаат дека се одговара и поради загрозување на јавното здравје на граѓаните поради несоодветен начин на лекување и непревземање соодветни мерки за зачувување на јавното здравје. За СДС како партија се знае дека сака да си поигрува со емоциите на граѓаните. Познато е дека и СДС како партија многу добро знае да се богати во време на кризи и тоа за сметка на маката на граѓаните. Затоа во овие моменти најдобро е СДС и нејзините неспособни и распашани раководители да замолчат, да не ја зголемуваат дополнително маката на народот. Никој повеќе од СДС не очекува дека нешто добро може да направи. Затоа во овие тешки моменти најдобро е да не му одмага на народот, затоа што помошта за нив е мисловна именка. Залутаното раководство на СДС треба да знае дека народот го препознава нивното воено профитерство во време на криза и за тоа ќе бидат казнети.
А во продолжение го пренесуваме и ставот на СДСМ Штип:
“Почитувани,
Немаат крај фрустрациите и очајот на ВМРО-ДПМНЕ, кои и во најголемата светска здравствена криза продолжуваат да шират политиканство и дезинформации. Но затоа и ВМРО-ДПМНЕ успешно ги користи мерките на владата. Партија која со вакво однесување за време на криза е партија која пред се по идеи, а и финансии е спремна за стечај.
Вистинска штета е што за време на криза стечајот не е дозволен.
Целата држава, институциите, граѓаните, службениците, сите бескомпромисно се борат против коронавирусот, само фрустрираното раководство на ВМРО-ДПМНЕ очајно шири лажни вести и неоснована паника. Со таквото однесување, со свесното ширење лажни вести ВМРО-ДПМНЕ се опасни по здравјето на граѓаните.
Потсетуваме дека ширење дезинформации со кои се создава паника и страв кај граѓаните е казниво дело за кое надлежните институции правно постапуваат.
Очигледно е дека раководството на ВМРО-ДПМНЕ комплетно го изгуби компасот.
Во услови кога конечно успеваме да ја вратиме довербата на граѓаните кон институциите и тоа не само во здравството каде довербата овој момент е над 80%, туку и во останатите институции, ВМРО-ДПМНЕ одлучува да шири лажни вести. Клиничката болница во Штип на чело со актуелното раководство направи бројни инвестиции како во опрема така и во подобрување на условите за работа на комплетниот персонал.
Обезбедивме достојни плати во здравството се со цел граѓаните да добиваат најдобра здравствена услуга.
Покажавме дека кога ќе се оттргнат канџите на партиската, верската или етничката припадностсекоја институција може да си ги извршува обврските кои се во согласност со надлежностите.
Впрочем, тоа се и вредностите кон кои се стремиме, вредности кои ги споделуваме со нашите партнери во НАТО, чија земја членка сме од неодамна, а сигурно не по заслуга на партија како ВМРО-ДПМНЕ. “
