Многу народ, се собра во центарот на с. Русиново (беровско), кога жителите на селото, но и многу други гости, традиционално го славеа големиот празник ,,Света Троица”.
Оваа година, организациониот одбор, во соработка со Општина Берово и неколку фирми од приватниот сектор, организираа богата културно уметничка програма, под наслов,,Трујчински русински средби”. Се очекува во иднина оваа манифестација да прерасне во традиција.
Прославата стартува со настап на учениците од ООУ,,Никола Петров Русински” од с. Русиново, понатаму настапија неколку групи од КУД ,,Димитар Беровски” од Берово, настап имаа неколку групи Пензионери, од Здружение на пензионери од Берово, а централната прослава беше заокружена со настап на македонската фолк пејачка, Елена Велевска.
Прославата ќе продолжи и наредните денови, кога месното население од с. Русиново, ќе го одбелжува денот со семејни слави.
