Во време на суша и поплава ни се одјаде мирисот на човечко месо. Во време на невреме, чунки бура од идеи а на мегдан -воздух, празен како желудник и полн како празна глава, се јавуваат како печурки после дожд најразлични габи и жаби, дрвени, надрвени и крастави, зелени и полуотровни.
Се јавија и првите симптоми на умор, на човечка желба се да згасне или наново да нарасне…можеби не толкаво, но без квасец и без лажна маја.
Беше таа Мајка на робови и на робовладетели, на растурикуќи и на проститутки, на магистри и на исповраќани илузии од современото животопатење.Беше, и остана Мајка на политички медиокритети, закоренети и закоравени во цивилната урбана среднина на депресија и алчност за азна…наспроти нив таа со уста полна и безобразна, ги гледа и се смее!
Доста ни е од млади др…чи и стари е…и, па нејзе и требаат младо-возрасни, и требаат духовни адулти а не стари перверзни пубертетлии и кожни паразити!
Грешам ли? Ако згрешам нека изгорам! Како и мојот имењак од минатиот век, камелеоните на Младо-македонската револуција, борец против бесправно завземените имоти, пасишта и земјишта, закупени за евтини пари – имоти, разделени и обесправени, фрчат со клетви по пакосната власт оти чунки лоша била, ги наполнила како бродови.И затоа вие, мали луге- мали депутати на македонизмот немој да бунтувате против пост-социјалистичкиот смрад, чунки тој цело време си владеел од сенка , а Ние малките луге со големи визии сме грешеле за стратешките позиции.
Та ние сме грешните!?Од сите тие тешки ,,лидери,, ние ли сме одбраните? Дојдовме до дереџе на антилидерство, т.е. амбиции на обичниот да стане необичен граѓанин.Дали ова го има негде другде?Можеби да, можеби пак слично, но различно Да!?Во секторот за антилидерство најлидер е најревносниот напагач голгетер, додека дрскоста му оди, пара ќе го води, а се друго ке биде ,,За идеалите , гинат будалите,,.
Е па, арно и будали да сме , пред се, ние сме Македонци.Ама каде и кој ке пишува за македонизмот, за ,,будалите,, за крвожедните лидери, за новокомпонираните ,,будалетинки,, со право за Глас но не и на Избор, кој ке гарантира за безбедноста на Мајка и на нејзините чеда? Нам доста ни беше луд товар и фрагил транспорт на души застаклени и полови нагони влажни, нагони навидум животински а тоа ,,лидерски,,!?Или на модерно ,,Роди се човек – ,,будала,, биди! Роди се среќен – ,,лидер,, биди! И така си врви времето неизмерено, де колумна, де волна, де болна , де ружна, а сепак на некому должна!
Нека им изгоре огнот во градите на овие недокажани статисти, а за нас ќе остане штамата на партиските полтрони.Оние сниски кафосани во очите а крвјосани за функции-будалетинки.Си врви и сега по патот со облаците, Антилидерот, и плаче за Мајка, за таа љубов непрежалена а животински расположена за интелектулни умови, за деветтооделенско оговарање, болна по ,,лидери,, и лажни пророци, по белосветски а дрски а на народот мрски, а сепак важни централисти, недокажани автономисти, ги плука шилежиња а колумнисти, во суштина недоквакани идеалисти.
Па идете бре, у три фино и убаво ве замолува Авторот , склон кон вршење на физиолошките духовни потреби во отворениот простор и етер на времето. Па жалам ама јас не бивам Слуга на времето!? Јас сум си Јас!.А не знам за вас.Вие сте ми, ем мили, ем драги, ама ве молам излезете од вашите лаги. Немојте да бидете Слуги на времето! Гавази на луда лудост и болна амбиција-запрете!Во вашите глави сте најголеми патриоти!?А во очите на Антилидерот сте двомолекуларни кодошки дефиниции на абортус и предвремена ејакулација.Да, да вие сте свршено свршувачко племе на Индијанска крв, на неуки домородци, наспроти Фармери на Фармата!?
Во невреме во современо навремено и ужасно време, се јавуваат ранички и болни габички по тртичната (…коска, а се знае од што?), на одредени и одродени, и со локум и со вино задоени и најадени и презаситени, и устоени, а сепак гладни и за сласт и за власт бегаат од модерниот декубитус барајки нови овци за стрижење.Па, мислам дека ви беше доста , и од мене, и од слугите и од газдите.Затоа сосредоточете се на Словото божје, на Великиот ден , љубовта и на Црквата, на гласот и на блиските, погледнете дека се е менливо и дека сите сме гости на овој свет од вистини и лаги, од урбани и рурални, од градски и селски, од пиштоли и цвеке, од промаја и сонце…сите сме исти на оваа небиднина од Нас и од Вас.
Повелете коментирајте, корегирајте, но мастраф – не!
Се е кладено.
Гоце Марков
– колумнист, Македонец и Човек
