Со големите флуктуации на притисокот во водоводната мрежа се појавуваат неизбежни дефекти на поедини нејзини делови. Ефикасноста и брзината на справување со ваквите појави на вработените во Јавното Претпријатие “Камена Река” е една од позначајните карактеристики во работењето на актуелното раководство во претпријатието во интерес на што подобра услуга за граѓаните во општината Македонска Каменица.
На територијата на цела општина Македонска Каменица каде што има ингеренци ЈП “Камена Река” специјализирани екипи на вработени макотрпно работат со справување со сите тековни предизвици.
“Работни активности за отстранување на дефекти од водоводната мрежа во населбата Долна Река.
Со санацијата на дефектите, покрај грижата за непречено водоснабдување на домаќинствата со чиста и здрава вода за пиење, со рационално искористување на ресурсите продолжуваме да работиме во насока на намалување на загубите со вода за пиење од градскиот водоводен систем.”
-информираат од ЈП “Камена Река” од Македонска Каменица.
За ваквата посветена работа на вработените своја реакција упати и градоначалникот на општина Македонска Каеменица Димче Атанасовски кој што значаен дел од своите програмски определби ги има насочено токму во насока за подобрување на функционалноста и ефикасноста на локалните институции под негова ингеренција.
“Одговорното работење на локалните институции е една од моите основни политички определби, со цел граѓаните да добијат што е можно најквалитетна услуга од општинските институции. Вработените на ЈП “Камена Река” забележуваат одлични резултати во своето работење, а ваквата пракса ќе ја унапредуваме во иднина уште повеќе со менаџерскиот тим во претпријатието,”
-соопшти градоначалникот на МАкедонска Каменица Димче Атанасовски за јавноста.
