Празникот Прочка, или Велики Поклади, меѓу народот познат и како Проштени Поклади, спаѓа во најголемите христијански празници. Со Прочка започнуваат и долгите Велигденски пости, период се до пречекот на Христовото воскресение (Велигден).
Обичајот проштевање тргнува од христијанското сфаќање за помагање и проштевање меѓу луѓето.
Се верува дека на овој ден и небото и земјата се проштеваат па тоа треба да го сторат и луѓето. Секогаш помалиот бара прошка од постариот, децата од родителите, крштеникот од кумот, а се проштеваат и пријатели, роднини, соседи итн. “ Прости ми!“ , “Простено да ти е и од мене и од Господа“.
Понеделникот по Прочка се вика Чист Понеделник и тогаш започнуваат долгите Велигденски пости.
Празникот Прочка претставува голем празник за македонскиот народ и со него се поврзани богати обичаи и верувања.
