„Раздвижи го срцето“ беше насловот на кој осигурителната компанија „Осигурување Македонија/Vienna insurance group“ работеше изминатиов месец. Со оглед на хуманитарниот карактер , собраните средства оваа година се наменети за Дневниот центар за лица со церебрална парализа.
„Денеска сме тука за еден многу убав повод, да ја донесеме донацијата на нашите пријатели на кои најмногу им е потребна. Во нашата фирма втора година организираме трка по повод 11-ти Октомври, на која нашите вработени трчаат по скалите на Осигурување Македонија во Скопје после што самите вработени предлагаат институции каде ќе ги донирамат средствата. Оваа година беше предложено средствата да ги донираме во овој Дневен центар, за да може да се набават медицински помагала и апарати“
– изјави Снежана Коменовиќ, координатор за маркетинг и односи со јавност во Осигурување Македонија/Vienna insurance group.
Од Дневниот центар изразија благодарност до донаторите. Средствата ќе бидат искористени за набавка на медицински помагала и апарати, кои пак ќе бидат потребни за секојдневна работа како и за подобар психички развој на лицата кои го посетуваат центарот. Во моментов, во Дневниот центар се згрижени 14 луѓе.
