Обраќање на Макрон за корона вирусот
Франција е во војна! Франција е во војна ….! Дури шест пати францускиот претседател Емануел Макрон ги изговори овие алармантни зборови што ќе резенораат во мислите на францускиот народ бар во наредните триесет денови .
Ситуацијата навистина станува сериозна во ова држава како и во Европа . Посебни ригорозни мерки се предложени со цел да се забави процесот на пренесување на вирусот како и соодветни казнени постапки за нивно непочитување.
Еве дел од стратегијата на Макрон пренесена вечерва до Французите:
– забрана за излегување надвор без соодветни ургентни потреби;
– затворање скоро на сите објекти кои не се од витални интереси ;
– да се избегне колку е можно паниката;
Што се однесува пак, за економските и социјални мерки , акцентот е ставен на
– заштита на секој поединец , стари и изнемоштени лица;
– привремено поместување на отплатата на банкарските станбени долгови ;
– привремено укинување на секоја постапка за економска ликвидација на малите и други претпријатија ;
– социјална и економска заштита за секој поединец како и обезбедување на финансиски средства ;
На крајот Макрон заврши со зборовите за обединување и солидарност на францускиот народ , за јакнење на нацијата и верба во себе.
Ниту збор за Европската Унија, НАТО….
-Реакција на Драган Стоиловски– припадник на Македонската дијаспора во францускиот кантон од Швајцарија


