Претседателот на општинскиот комитет на ВМРО-ДПМНЕ од Штип и член на Извршниот комитет на партијата Иван јарданов на своја прес конференција обелодени во јавност информации за постоење на сомневање за “матна зделка” во Клиничката болница во Штип, која што оди до врвот во Министерството за здравство на Република Македонија.
Тој своето сомневање го темели на фактот што во текот на минатата година ов болница набавила 60 стентови додека за оваа година птеку јавната набавка се побарани 7 пати повеќе од минатогодишниот број на стентови или вкупно се бараат 420 стентови.
Во продолжение ја пренесуваме интегрално прес конференцијата на Иван Јорданов од ВМРО-ДПМНЕ:
“Почитувани,
Брзото богатење во редовите на СДС не е нова дисциплина.Додека граѓаните врзуваат крај со крај, бандата функционери на СДС безгрижно креираат тендери со сомнителни позадини.
Клиничката болница во Штип неодамна распиша тендер за потрошен материјал за интервентна кардиологија. И додека оставаат впечаток дека се грижат за граѓаните, тендерот открива матна зделка, која стигнува до врвот на Клиничка болница Штип и Министерството за здравство.
Имено, минатата година преку овој тендер се набавиле 60 стентови, меѓутоа оваа година со тендерот се побарани дури 420 или 7 пати поголема бројка. И се разбира, нив ги добива веќе познатата фирма БИО МЕДИКА ДООЕЛ Скопје. Оваа фирма и нејзината врска со Александар Јовановски-Жути е позната на јавноста по 35 милионскиот тендер за реагенси.
Дали веќе познатата врска меѓу министерот Филипче и компанијата БИО МЕДИКА е пресуден момент за началникот на Кардиологија и директорот на Штипската Клиничка болница да вмешат свои прсти во оваа сомнителна зделка на стентови.
Кој ќе профитира најмогу од огромната бројка на стентови набавени од страна на Клиничката болница?
Дали триаголникот Филипче-Жути-Клиничка Болница Штип активно соработува и профитира на грбот на граѓаните во вонредна состојба?
Несомнено, ова е најкриминалната структура која владеела со државава и која бесрамно кратела од устата на народот, за лично и само лично богатење!
Ви благодарам!”
Со почит,
Центар за комуникации на ОК ВМРО-ДПМНЕ Штип.
