По повод 8 Септември Денот на независноста на Република Македонија од официјалниот интернет портал на Бигорскиот манастир во јавноста споделија честитка по повод овој празник.
Во честитката стои:
“8ми септември 1991 година ја возгласи на целиот свет вистината дека Македонија е достојна за дарот на слободата и за самостоен државен живот.
Братството на Свештената Бигорска Обител на сите граѓани на Република Северна Македонија, радосно и срдечно, им го честита Денот на независноста!
Вечен им спомен и слава на сите македонски родољупци и слободољупци!
Бог нека ни ја сочува Татковината вечна и нека им вдахне родољубие на сите наши политичари!”
Притоа од манастирот споделија фотографија на која се гледа декор на амбиентот на манастирот со знамиња и јажиња на кои стојат обесени исто така помали знамиња налик на панаѓур.
Со споменување на терминот “северна” во името на државата овој црковен медиум е еден од ретките во државата од таков тип кој тоа го прави во честитка на независноста. Исто така и со благословувањето на политичарите во нивната честитка овој црковен медиум излегува од рамкита на својата духовна дејност мешајки се во политика со што се нарушува секуларниот карактер на државата и верата.
