Паднаа сите завеси: Зоран Заев е штетен за меѓународните односи на Македонија, покрај штетата на Македонските национални интереси
Најголемата лага околу која што скапо платената пропаганда на СДСМ под раководство на Зоран Заев градеше ѕидови во изминатиот период е разоткриена!
Последниот предавнички поход кој што Зоран Заев заедно со неговиот “јавач на македонската апокалипса” Никола Димитров се фатени како коленичат пред портите на Бугарската антиевропска политика и го крчмат Македонскиот идентитет, е со единствена цел да се одржат на власт во Македонија. Впрочем целиот предавнички поход на Зоран Заев е базиран на тој едиинствен вредносен столб кој што израсна како “диво месо” во современата Македонска политичка реалност.
Сите дилеми кај самосвесните и постојано критички ориентирани граѓани на Македонија се разрешени.
Зоран Заев е прочитан памфлет носен од ветрот на опортунизам во полза на личниот и тесно- партискиот интерес на неколкумина властодршци во СДСМ, кој како ранета хиена почнува да се тетерави под ударот на агонијата во која што е заглавен. Последниот венец на тој заштитен ѕид околу Зоран Заев е оној на “златната платеничка армија” која што ќе треба да си ги одработи парите кои што тргнала да ги печали во овој поход. Скапо платената пропаганда е единствената политичка сила која што остана да ја рефлектира “Бихаќка” кон Македонската јавност. Наспроти катастрофално-лошите услови за живот на граѓаните, на партиските прес конференции на СДСМ но и на говорниците во запоседнатите институции нема да ја слушнете горката вистина во која преживува народот.
За надминување на монотонијата на песната за тоа како власта е најдобра во тоа што го прави, одвреме навреме ќе биде прозван Христијан Мицкоски како тој бил виновен за безидејноста и катастрофата нарешена “СДСМ на власт во Македонија”.
Оваа борба за ветерници и мавање во празно низ загадениот воздух кој го дишат Македонските граѓани е индикатор за рушењето на “кулата од карти” која хибридниот режим успеа да ја изгради во изминатите 4 години.
Во изминатиот период на практикување на власта од страна на Зоран Заев и неговите пајташи како држава и како народ го допревме дното. Имаше моменти кога власта покажа дека секогаш “можат повеќе и подобро” во раскрчмувањето на идејата за слобода и напредок на Македонскиот народ.
И не се сомневајте:
-Тие секогаш можат повеќе и подобро во нивниот свет на искривени вредности.
Промена на Уставното име Република Македонија што се случи на најдрзок, неуставен, нелегитимен и против волјата на мнозинството граѓани на државата, е врвот на сантата мраз под кој се крие заробен широк радиоактивен облак кој може да експлодира во хаосот на бурната геостратешка зима која го зафати овој дел од светот.
На многумина Македонци се уште не им е јасно дека е дојдено време кога голата борба за да се остане на власт на Зоран Заев е сведена на преговори за самобитноста на Македонскиот јазик и Македонците национални дејци врз чиј што лик и дело почиваат темелите на современата Македонска држава.
Покрај катастрофата во опстојот на идентитетските прашања Македонија е втерана во котел на превирања против своја волја не само на надворешен план, туку и на внатрешен план. Економија речиси и да нема во политиките кои ги спроведува власта; партизацијата на општеството е на највисоко ниво; ако говориш гласно против негативните реперкусии кои се рефлектираат врз животот на граѓаните, стануваш осуден на жигосување; правдата стана идеал за кој што мора нови теоретски подлоги да се пишуваат а доскорешниот каков-таков државен систем е пукнат по сите шавови.
Веќе се’ е повеќе од јасно.
“Царот е гол” а народот тоа ќе му го соопшти во првата наредна можна прилика.
Пишува: Кирчо Анастасов
