По повод државниот празник со кој се одбележува 77 годишнината од Денот на Македонското востание во 1941 година “11 Октомври” раководството на Општинскиот комитет на ВМРО-ДПМНЕ упатија честитка и лични пораки до сите граѓани на Делчево и сите Македонци ширум светот:
Нека е вечна идејата за слобода на Македонија!
Честит 11 Октомври!11 Октомври е ден од македонската историја, кој не само што е симбол на македонската борба за слобода, туку е и ден кога е поставен еден од темелите на македонската државност. На овој ден им оддаваме почит на сите учесници во вооруженото антифашистичко и народноослободително востание. Наша должност останува да го чуваме она за што тие го дадоа својот живот. Нашата историја не мотивира да чекориме напред, да веруваме во себе.
-напишаа од опозиционата партија.
Претседателката на Унија на жени на ВМРО-ДПМНЕ во Делчево, Христина Смилевска упати лична порака:
Борбата за Македонија е вечна!
На 11-ти Октомври 1941 година, почна борбата за слобода против фашистичкиот окупатор.
Денеска пред нас е уште потешка борба, борба против домашниот окупатор и предавници. Секоја генерација има своја борба !
Пред нас е борба да го зачуваме се она за кое нашите претци ги дале своите животи и борба да ја обезбедиме иднината на нашите поколенија!
Македонскиот народ е непокор и секогаш кога му е најтешко, тој е нај сплотен.
Честит 11-ти Октомври!
Вечна да ни е Република Македонија!🇲🇰
-напиша на својот профил Христина Смилевска.
