На судбината на пазарџиите и земјоделците во Виница и виничко се надоврзува и мачната судбина на пазарџиите од зелениот пазар во Кочани.
Овие луѓе во недостиг на организиран пласман на нивните со мака произведени земјоделски производи мака мачат како да го продадат својот земјоделски род во услови кога платежната моќ на граѓаните е опадната а пазарите се полупразни.
Во посета на пазарот во Кочани беше и дополнителниот заменик министер за земјоделие, шумарство и водостопанство на Република Македонија Цветан Трипуновски кој се запозна со спецификите на проблемите на луѓето кои егзистираат од овој пазар.
Во продолжение ја пренесуваме неговата кратка изјава во оваа прилика:
“Бев на Градскиот пазар во Кочани.
Ситуацијата е слична како и во Виница, полупразни тезги, малку купувачи, пазарџиите речиси без заработувачка.
Треба да се погрижиме за пласман првично за квалитетните домашни македонски производи па потоа за увезените земјоделски производи. ВМРО-ДПМНЕ секогаш било и ќе биде на странта на земјоделците!”
