Почитувани,
За да излезете пред граѓаните од населбата 8 ми Ноември, потребно е да кажете кои проекти ги имате реализирано од вашата изборна програма. Тоа значи, граѓаните ги интересира до каде сте со изградбата на бул. Партизанска, термоизолационите фасади или скејт паркот од 400 м2?
Да се фалите со поставување на корпи за отпадоци и контејнери е грешна стратегија. Тоа е обврска на Јавното претпријатие Исар, за која граѓаните плаќаат секој месец.
Да се фалите со одржување на зеленилото покрај р. Брегалница е исто така грешен пристап, со оглед на тоа што токму вие издадовте дозвола за уништување на истото преку поставување на привремена опрема.
Манипулативните прес конференции не го подобруваат вашиот рејтинг, туку го зголемуваат гневот на граѓаните, затоа што на тој начин ги потсетувате на вашите нереализирани ветувања!
-Соопштение на Центарот за комуникации на ОК ВМРО-ДПМНЕ Штип
