Поскапувањето на паркинг услугите во Скопје директно удира по џебот на сите граѓани кои што гравитираат кон главниот град во рамки на своите секојдневни потреби и обврски. Овој негативен тренд кој што Петре Шилегов и администрацијата на град Скопје под негова контрола го наметнува не се одразува само на скопјани туку и на сите останати граѓани кои што гравитираат секојдневно кон главниот град.
Голем број на граѓани кои што живеат во Брегалничкиот регион гравитираат секојдневно кон Скопје. Причините се или здравствени или економски или образовни. Со поскапување на паркинг услугите во главниот град од страна на Шилегов директно се удира по стандардот на овие геѓани кои што мораат најмногу за здравствени услуги да патуваат во Скопје каде за паркинг услуги плаќаат значителни износи.
Патувањето со индивидуални возила на жителите од Брегалничкиот регион за Скопје е нужност најмногу поради недостигот на јавен линиски меѓуградски превоз кој што во крајниот исток на државата недостига. Овој проблем е присутен подолго време за општините Делчево, Берово, Пехчево, Македонска Каменица чии што граѓани мака мачат како да стигнат до Скопје. А оние кои што имаат сопствени возила сега се принудени да плаќаат поголеми износи за паркинг услуги во Клиничкиот центар и останатите јавни паркинзи низ Скопје.
Со тоа семејниот Буџет дополнително е загрозен за овие граѓани кои се приморани да патуваат за Скопје.
За поскапувањето на јавнот паркинг во Скопје денеска своја реакција имаше и од опозициската ВМРО-ДПМНЕ кои што во духот на новогодишните и божиќни празници му изрецитиреа една пригодна стихотворба.
“Шилегов не само што ја зголеми месечната карта во катните гаражи кои се под надлежност на „Градски паркинг“ за 100%, туку ја зголеми и цената за час на зонското паркирање од 10% до 20% во однос на старата тарифа. За секој час паркирање на зонските места, цената на билетот е зголемена за 5 денари. Оваа одлука е апсурдна! Во време кога градскиот превоз се одвива со намален капацитет и кога временските услови не дозволуваат користење на алтернативен превоз, велосипеди и тротинети, во време кога илјадници граѓани живеат во сиромаштија со 120денари дневно, во време кога десетици илјади скопјани останаа без работа, СДСМ и Петре Шилегов го поскапеа паркирањето дури и до двојно повеќе, истакна таа.
„Шилегов, лажниот социјалдемократ удира по џебот на граѓаните за да го прикрие своето неодговорно, неекономско и неделотворно работење. Парите во износ од над половина милион евра кои во сред пандемија ги потроши за пластични диносауруси и новогодишни сијалички, сега тој решил да ги наплаќа од граѓаните. Лажниот социјалдемократ донесе одлука за поскапување на паркинг услугите во време кога поскапе и струјата и водата, кога поскапеа горивата и пораснаа цените во малопродажбата“”
-реагираше меѓу другото актерката Јелена Жугиќ.
Целата прес конференција проследете ја во продолжение:
