Голем број на крајно десничарски граѓани и структури во државата како свој последен крик за целокупната апокалипса која што се случува во Македонија под палката на Зоран Заев, бараат напуштање на Македонскиот парламент од страна на ВМРО-ДПМНЕ.
Револтот од актуелната статус-кво ситуација во која Заев од позиција на најмоќен човек во државата ги спроведува своите крчмарски политики, е повеќе од евидентен во Македонското општество како во Скопје а уште повеќе во останатите градови ширум Македонија. Состојбата е најлоша во периферните и сиромашни општини каде што буквално стопанството е клекнато на колена.
Калкулантските политики и бруталните инструменти на репресија, поткуп и пропаганда со кои што Зоран Заев држи зауздани голем број на гласачки електорат и се профилира како доминантен политички фактор по број на гласови, се главната одлика според која Македонија е оквалификувана како хибриден режим во релевантни меѓународни рамки.
И во такви услови голем број на граѓани спасот од овој сеприсутен девастирачки вртлог го гледаат во единствената политичка сила која што може да се спротивстави на СДСМ и актуелната власт а тоа е вМРО-ДПМНЕ. Одреден фонд на гласни застапници на конзервативните -про десничарски вредности и политики во квантумот на поддржувачи на исконските идеи на ВМРО за самобитност и независност на Македонскот национално битие, под ударот на жезлото на владеачката номенклатура како свој последен крик за спас на државата и нацијата се погласно го прокламираат барањето ВМРО-ДПМНЕ да излезе од Македонскиот парламент, со примена на мерки на улична демократија и масовни протести за уривање на актуелната власт која ги разнебидува најголем дел од конзервативните вредности кои што Македонскиот народ го носи во своето битие и постоење.
Ова барање е оправдано од аспект на логично гледање и толкување на состојбите во држава во која што се практикуваат демократски мерки и каде моралните вредности се на високо ниво рамо до рамо со европските демократии.
Но во “жабокречината” во која што функционира актуелната номенклатура на власт обележана како хибриден режим, од релевантни меѓународни фактори, ваквиот линеарен правец на делување е повеќе од штетен и уште повеќе оди во прилог на уништувачките политики кои ги спроведува Зоран Заев врз генезата на Македонскиот идентитет.
Одговор за ваквото барање на овие гласноговорници против актуелните политики на Зоран Заев во најкратки црти дава претседателот на ВМРО-ДПМНЕ Христијан Мицкоски во своето гостување во емисијата “Јади Бурек” на телевизија Сонце.
На прашањето зошто ВМРО-ДПМНЕ не го напушти парламентот Мицкоски објаснува преку пластичен пример на симулација:
“Денеска сета опозиција го напушта парламентот. Што ќе направи прво владеачкото мнозинство?
Ќе ја свика комисијата каде што спаѓа деловникот, ќе си ги помине онлајн седниците, ќе ги оттргне оние 2-3000 амандани кои што во моментот ги блокираат, ќе си го спроведе делот за онлајн седниците… одма истиот ден на пленарна седница ќе го помине, следниот ден ќе излезе во Службен весник и од тој ден оваа номенклатура предводена од Зоран Заев уште 4 години останува на власт.
Вториот закон е законот за легализација на марихуаната, третиот закон ќе биде нешто друго, четвртиот закон ќе биде да се забрани ВМРО да постои како политичка партија.
Тоа ќе се случи, од дома ќе си седат и ќе си кликаат. И следниот закон ќе биде легализација на дивоградбите. Претпоставувам дека вие имате живеалиште кое што сте си го платиле затоа што е легално. Некој си изградил и ние сега треба тоа да му го легализираме. И редица други работи. Ете тоа ќе значи ако сега опозицијата го напушти парламентот.
Па тоа најмногу ќе го сака Зоран Заев.
Ако пратениците поднесат оставки? Уште подобро! Ќе распише избори. И наместо 61-62 колку што има сега ќе има 120 пратеници како што имаше 94-та- 98-ма парламентот што беше. Кога ни се случија стотици избори на судии и јавни обвинители, се создаде длабоката држава во судството и обвинителството од која што до ден денес не можеме да кренеме глава. И ќе ви се случат и Кацарска, Русковска и ќе ви се случуваат такви. И приватизацијата, тоа е веќе да не зборувам- организираната пљачка.
Е тоа не можам јас да го дозволам.
Ниту пак сакам да советувам дел од моите соработници вакво нешто да дозволат. Напротив, ќе се бориме. Ќе се бориме да не поминат овие штетни закони, но тоа нема да го правиме на циркузантски начин по социјални медиуми, тибам тоа, тибам она, туку ќе го правиме во парламентот на конструктивен начин. Како државотворна партија, ние не сме циркузанти и кловнови. Ние сме луѓе избрани од народот и имаме обврска кон тој народ. Тој народ ги плаќа тие луѓе таму. И никогаш на тој начин нема да се однесуваме.
Да ќе одиме на протести, ќе протестиреме, ќе блокираме улици ако мислиме дека не бива, ќе блокираме булевари, ќе излегуваме пред влада, ќе правиме се и сешто. Но немојте да барате да го напуштиме парламентот. Тоа е последниот бастион каде што се брани денеска Македонија. Пред налетот на Зоран Заев и тие околу него.
Тоа не е радикализирање, тоа е капитулација на Македонија.
Тоа нема да го дозволам јас.
Јас разбирам луѓето се емотивни, незадоволни, не можат ова веќе да го гледаат, тешко им е – ги разбирам и жалам што е тоа така.”
Овој дел од интервуто на Претседателот на ВМРО-ДПМНЕ Христијан Мицкоски со водителот Јанко Илкоски може да го погледнете помеѓу и 40:30 и 44:00 минута во видеото во продолжение:
Ограничен број на граѓани кои се посветени гласноговорници по социјалните мрежи на конзервативните десничарски про-националистички структури својата стекната нетолеранција кон актуелното раководство на ВМРО-ДПМНЕ ја базираат на ограничен фонд информации а доминантно врз основа на сопствени чувства. Во овој кампус на граѓани забележливо е влијанието на негативните ефекти од владеањето на Зоран Заев кој брутално ги злоупотребува сите можни пропагандни алатки за ширење на хаос и безредие во Македонија. А во тој хаос и безредие кои предизвикуваат поделби помеѓу граѓаните во државата позицијата на Зоран Заев е најкомотна со тенденција да се одржува и понатаму.
Токму затоа единствената сила која што може да креира платформа за обединување е ВМРО-ДПМНЕ чие што раководство е цел на малициозни и контрадикторни напади за лична дискредитација на луѓето во врвот на опозициската партија како единствен скелет кој што е доволно моќен за да направи обединување на сите противници на штетните политики на Зоран Заев и актуелната номенклатура на СДСМ.
Значењето на историјата во обликување на актуелните и идни општествени правци на движење, пожелно би било да се практикува суштински а не декларативно.
А таа историја вели дека напуштањето на парламентот од страна на опозициската ВМРО-ДПМНЕ во 1994 година доведе до фатален удар врз Македонската самобитност преку економскиот колапс кој што го предизвика приватизацијата на државниот капитал во период 1994-1998 година.
Уште колку фатални удари може Македонија да преживее знаејки ја силината и жестината на досегашните удари на Зоран Заев?
Пишува: Анастасов Кирчо
