Краткометражниот филм “Коливо” (Koliva) во режија и по сценарио на младиот Андреј Илиевски Волкашин е избран да учествува во официјалната селекција на РИФФА (Regina International Film Festival & Awards (RIFFA)) фестивалот на краток филм кој се одржува во Регина-Канада.
Снимањето на овој краткометражен филм се одвиваше во делчевското село Град во почетокот на 2017 година.
-Таканареченото „Коливо“ кое го имаме како адет беше пресудно да се роди идејата за филмот, бидејки тоа е еден вид празник за сите нас кои потекнуваме од овде, еден вид на наша култура и наш менталитет. Бидејки потекнувам од с.Град логички беше и дел од филмот да се сними тука,
рече Илиевски.
Еден од главните ликови во филмот е „Дана“, чиј живот станува откриен откако нејзиниот љубовник пристигнува на денот кога нејзиното семејство се собира на традиционалното коливо. Во филмот настапуваат познати актерски имиња, а главната улога ја толкува Лабина Митевска.
-Моја желба беше за мојот прв филм во Македонија главната улога да ја толкува токму Лабина Митевска. Таа е навистина прекрасна личност пред се, а воедно и голем професионалец. Освен Лабина, во екипата свое место најдоа и Дејан Лилиќ, Симеон Дамевски како и легендата на македонското актерство Јоана Попоска. Во филмот кратко се појавуваат и млади актери од Делчево. Останатата екипа ја сочинуваат Кирил Проданов кинематограф, Илина Ангеловска сценограф, Жаклина Крстевска костимограф, Невелин В’лчев монтажер. Игпр Василев Новоградска композитор, Крстјо Ламбев ко-продуцент и Елена Станишева продуцент,
рече Илиевски-Волкашин.
Андреј И. ВОЛКАШИН е Македонски филмски режисер, роден 1985 година во Делчево. Дипломирал на филмска режија во НАТФА “Крастјо Сарафов”. Режисер е на краток филм: “Шшшт … Попей ми!”, “Киндер сюрприз”, “Еat Sweet, Talk Sweet”, “Junk Girl” и др., Претставени на бројни регионални и меѓународни кино фестивали.
Режисер е и на филмот ‘Коливо’ 2017 година, сниман во две држави: Македонија и Бугарија со времетраење од 23 минути.
Филмот “Коливо” е во
Сценарио на: Андреј И. Волкашин
Режија: Андреј И. Волшин
Кинематограф: Кирил Проданов
Музика: Игор Василев
Со учество на: Ратка Радмановиќ, Лабина Митевска, Симеон Дановски
Производство: Консепт Студио Елена Станишева
Копродукција: Крстео Ламбев
Со поддршка на: Македонски филмски фонд и Националниот филмски центар
