Брус Дикинсон настапи на концерт во Сараево за време на опсадата на главниот град на Босна и Херцеговина за време на војната меѓу 1992-1995 година.
Деновиве фронтменот на Британскиот бенд “Iron Maiden” Брус Дикинсон , прими награда за Почесен граѓанин на Сараево!
Наградата ја додели лично градоначалникот на Сараево Абдула Скака на церемонија во граското собрание кое беше значително оштетено од бомбардирањето во војната.
Тој истакна:
Пристигнувањето на господинот Дикинсон во Сараево беше еден од оние моменти што ни овозможија да сватиме дека ќе преживееме, дека градот Сараево ќе преживее, дека Босна и Херцеговина ќе преживее.
Дикинсон кој за време на својата повторна посета на Сараево имаше можност да прошета низ градот потпишувајќи автограми за Асошиејтед прес кажа:
Навистина е голема чест да добиете почесно граѓанство на Сараево. Во свет каде нештата траат околу пет секунди на социјалните мрежи… луѓето се уште се сеќаваат на настанот. Тоа е навистина нешто. Денеска е брилијантен ден, убав ден и навистина е одлично што се вратив овде
Прекрасно е да се види дека мојата посета од пред 25 години, толку многу значи на овој град и граѓаните,
-рече Дикинсон и додаде дека му е голема чест да ја прими оваа награда.
Iron Maiden е британски хеви метал бенд и е еден од најуспешните и највлијателни бендови во хеви металот, со продадени над 100 милиони примероци од нивните албуми ширум светот.
Во продолжение погледнете ја изјавата на Брус Дикинсон дадена во 2018 година во која тој се присеќава на својата посета на Сараево во 1994 година
