Време е за затварање на циркусот за кој што претходно пишувавме тука и тука.
Деновиве на огромна жал на целокупната публика се најавува дефинитивно затварање на циркусот кој го гледаме сите на јавна сцена.
Особено тоа се случува за жал на шарената публика која во индијански фазон дури ги беа ставиле “воените бои” на своите ликови како дел од сценографијата на нивната самопрогласена војна.
Поради тоа што главниот кловн иако на апарати како што претходно пишуваше Вашиот Дедо Ѓорѓија, ги изеде сите БАНАНИ и сега циркусот мора да биде затворен поради недостиг на банани за МАЈМУНИТЕ.
Во оваа новосоздадена моментална ситуација интересно е што од менаџментот- владата на циркусот за бананите сака да го обвини само главниот кловн КАТА, иако е нејасно како овој кловн сам успеал да ги изеде бананите за сите мајмуни или во тоа му помагале и останатите кловнови и тоа под неуморното око на менаџментот- владата на циркусот.
Оттука очигледна е намерата на менаџментот на циркусот дека сака да ги спаси останатите кловнови со намера во иднина да создаде нов главен кловн кој ќе глуми пред публиката и ќе ја забавува.
Секако за да егзистира еден таков нов кловн повторно ќе бидат потребни мајмуни за кои за да преживеат ќе бидат потребни банани…
Опасноста за затварање на циркусот донесува и своја њуз појава како опасност од главниот кловн кој сега под наредба на управата е затворен во кафез, да ги исповрати сите наоколу. Не е јасно дали ваквата состојба кај главниот кловн е како резултат на лошите услови во кафезот или од преголемата количина на изедени банани, но едно е сигурно:
Дамки од повраќањето ќе има…..
Пишува: Дедо Ѓорѓија
Името на авторот на овој текст е познато на редакцијата
